Pezas destacadas das coleccións do museo
As coleccións do Museo do Castro de Viladonga proceden case exclusivamente das escavacións arqueolóxicas que se veñen realizando no castro desde 1972. O abano cronolóxico abarca na súa maior parte desde o século II ao V d.C., se ben algúns achados remontan aos séculos II e I a.C. Desde o ano 2013 o museo é depositario dos materiais arqueolóxicos procedentes das escavacións realizadas tanto na cidade como na provincia de Lugo. Pódese consultar o catálogo de pezas do museo no portal da Red Digital de Colecciones de Museos de España (CER.ES). A continuación móstranse as fichas dunha serie de pezas destacadas.