Alfinete ou prendedor
Decorado cunhas grosas estrías paralelas, ten un remate superior ou cabeza de forma cónica ó comezo da variña recta. É relativamente frecuente o achado en Viladonga, nos niveis galaico-romanos, deste tipo de grandes alfinetes ou prendedores de cabelo, feitos en bronce fundido sobre molde e con distintos tipos de cabeza ou remate superior que, ás veces e coma neste caso, levan algún tipo de decoración ou adorno moi sinxelo. Son pezas ben coñecidas en xacementos desta época, tanto urbanos como no ámbito rural.