Obradoiros

Castro de Viladonga

Para solicitar estas actividades deberán cubrir o formulario que figura nesta ligazón ou ben chamar aos teléfonos 982 87 01 60 ou 982 87 01 64.

Ofrécense os seguintes obradoiros:

 

 

Obradoiro de cerámica

O obxectivo desta actividade é o de mostrar o proceso de elaboración a man dos obxectos feitos con arxila. Iníciase cunha explicación das técnicas e tipoloxías que aparecen na cerámica do castro de Viladonga. Despois farase, con barro e a man, unha ola tomando como modelo unha das atopadas no castro.

Este obradoiro vai dirixido a alumnos de Educación Infantil, Ensino Primario e Ensino Secundario Obrigatorio. A duración aproximada é de unha hora.

Cada grupo non deberá superar o máximo de 25 participantes. Se fose máis numeroso poderá dividirse para alternar o obradoiro coa visita ao castro e ao museo.


Subir

 

Obradoiro de numismática

(Officina Monetalis)

O obxectivo deste obradoiro é achegar aos participantes ao proceso de cuñaxe de moedas no mundo romano. Iníciase cunha introdución sobre a orixe, fabricación e circulación da moeda. Despois, con pasta para moldear, imítase a cuñaxe dunha peza tomando como modelo unha das da colección do museo. Finalmente faise unha ficha de catalogación, na que se documentan e describen as características da moeda.

Este obradoiro vai dirixido a alumnos de 2° e 3º Ciclo de Ensino Primario (de 3° a 6°) e aos de Ensino Secundario Obrigatorio. A duración aproximada é de unha hora.

Cada grupo non deberá superar o máximo de 25 participantes. Se fose máis numeroso poderá dividirse para alternar o obradoiro coa visita ao castro e ao museo.

Subir

 

Obradoiro de arqueoloxía

O obxectivo desta actividade é achegar o traballo arqueolóxico aos escolares e facerlles comprender a importancia da arqueoloxía como ciencia fundamental para o estudo e valoración do patrimonio cultural e por tanto da nosa historia.

Este obradoiro vai dirixido a alumnos de 3° Ciclo de Ensino Primario (5° e 6°) e aos de Ensino Secundario Obrigatorio. A duración aproximada é de dúas horas.

Para o bo desenvolvemento do obradoiro é preciso distribuír aos alumnos en grupos que non deberán superar os 5 ou 6 integrantes, ata un máximo de 60 alumnos en total.

O museo proporcionará a cada grupo o seguinte material:

  • Caderno de campo que logo poderán levarse os participantes.
  • Bolsa de material que se deberá devolver ao finalizar a actividade. Conten dúas fichas (ficha 1. Estruturas e ficha 2. Obxectos), unha cinta métrica, un compás magnético, lapis, afialapis e goma de borrar.

O obradoiro iníciase no museo cunha breve introdución que se completa coa proxección do vídeo "O Castro de Viladonga". A continuación distribúese o material de traballo e iníciase a actividade no castro, onde cada grupo terá que localizar, xa sobre o terreo, a estrutura que figura na ficha 1 e responder as preguntas que se formulan no caderno de campo.

Unha vez rematada esta fase do traballo, vólvese ao museo para localizar nas salas de exposición as pezas que aparecen n

Situación

  • Viladonga, 27259 - Castro de Rei (Lugo)
    Galicia, España
    N 43º 09' 38.97" W 7º 23' 19.32"
  • 982 870 160
  • museo.viladonga@xunta.gal

Cofinanciado polo Fondo Europeo de Desenvolvemento Rexional