Sala 0. Información complementaria

A Sala de Información complementaria resume os traballos arqueolóxicos realizados no castro desde 1972 así como a historia do museo.
Tamén se atopa nesta sala unha información global sobre a cultura castrexa, a época galaico-romana e sobre o contorno natural e patrimonial do castro de Viladonga.
A información compleméntase con algúns materiais arqueolóxicos da comarca, coma unha ara votiva aos Lares Viales (de Silva, Pol) ou a estela atopada na necrópole megalítica de Santa Comba de Orizón, Castro de Rei.
