Aplique con cabeza de león

Escoitar

Aplique de forma case cónica, coa figura dunha cabeza de león, feita a fundición polo sistema da cera perdida, presenta retoques a base de incisións de distinto grosor feitas cun buril ou instrumento similar. Na parte que representa a boca conserva restos dunha pequena anela ou abertura en sentido vertical. A  parte posterior é cóncava, con concrecións metálicas, quizais de chumbo.

Esta peza é, moi posiblemente, un aplique de mobiliario ou, menos probable, de vestimenta ou de arreo de cabalería, e é un tipo de obxecto característico entre os bronces de época romana pero máis raro de atopar en xacementos castrexos.