TRABALLOS DE REHABILITACIÓN E CONSERVACIÓN NOS TEITOS DAS PALLOZAS
Despois de varios meses de traballos de rehabilitación e conservación nos teitos, as pallozas do Conxunto Etnográfico do Cebreiro presentan algúns aspectos diferentes.
Na palloza museo colocouse un esteo na estravariza que permitiu modificar a inclinación do teito, dándolle máis pendente para evitar os afundimentos e o empozamentos que se producían.
A exposición instalada no interior completouse cun panel onde se explican as diferentes técnicas de teitado.
A palloza de Galán teitouse co procedemento máis habitual no Cebreiro que é o teitado a veo; os veos son correas de ramas de uz ou xesta que suxeitan os mollos de colmo e protexen o teito dos ventos.