Hoxe sentimos despedir a Xosé Manuel Carballo, membro de honra da Asociación de Amigos do Castro de Viladonga
Recibimos a triste noticia do pasamento de José Manuel Carballo, de quen sabiamos que tiña unha “feble saúde de ferro” sostida nos últimos tempos polo seu espírito incansable e bulideiro. Foi moitas cousas na vida ademais de cura rural, da que máis se gababa, e aprendeu dúas veces a andar e a falar.
Presidente da Asociación de Amigos do Castro de Viladonga desde 2005 ata 2015 e, dende entón, presidente de honra, quedarán sempre no noso recordo as súas moita colaboracións co museo e os esconxuros que acompañaban a queimada coa que rematabamos a celebración da Noite dos Museos.
Sirvan estas breves e urxentes liñas como lembranza do noso inesquecible Tolo do Castro.
Sit tibi terra levis